Si vuatri v'insignastivu a canusciri Cristu, si ascutastivu e fustivu ammaistrati, secunnu 'a virità ca è in Gesù, aviti a lassari l'omu vecchiu c'a mala cunnutta di prima e v'aviti a rinnovari 'ntò spiritu d'a vostra menti e essiri omini novi, criati secunnu Diu 'ntà giustizia e 'ntà santità vera.
Perciò, basta diri munzignarii: ognunu havi a diri 'a virità, picchì semu parti d'u stissu corpu.
Quannu siti arrabbiati, 'un faciti piccatu: 'un havi a cuddari 'u suli 'n capu 'a vostra rabbia, e 'un dati occasioni 'o riavulu.
Cu è solitu arrubbari, 'un l'havi a fari chiù, anzi si dassi da fari travagghiannu onestamenti chi so' manu pi spartiri cu cu' si trova 'ntà nicissità.
D'a vostra vucca 'un havi a nesciri chiù 'na parola tinta, chiuttostu paroli boni chi ponnu serviri di giuvamentu a chiddi ca sentinu.
E 'un aviti a rattristari 'u Spiritu Santu di Diu, chi vi fu signatu 'nt'o jornu d'a redenzioni.
Havi a scumpariri di vuatri ogni asprizza, sdignu, rabbia, vuci e maldicenza cu ogni sorta di malignità.
Inveci aviti a essiri boni l'unu versu l'avutru, misericurdiusi, e v'aviti a pirdunari l'unu cu l'avutru, comu Diu ha pirdunatu a vuatri, pi Gesù Cristu.