LETTERA FRATERNA n. 38 - Aprile 2012
PARABBULA
D'U SIMINATURI
(Mt.13,3-9)
PARABBULA D'U SIMINATURI (Mt.13,3-9) 'U siminaturi nisciu pi siminari e 'a simenza accuminciò a jttari: ci nni cadiu 'na manciata 'n menzu 'a strata e aceddi s'a manciaru, di vulata; pi chidda ca 'n menzu a li petri iddu ittò, essennucci picca terra, subitu spuntò, ma c'u caluri d'u suli arristò abbruciata picchì 'un avia radici e fu siccata. I simenzi ca 'n menzu a li spini caderu foru suffucati, quannu crisceru. Ma chidda ca cadiu 'n capu 'a terra bona, detti fruttu a sò tempu dunni 'u centu, o 'u sissanta, o 'u trenta pi centu. Cu voli capiri, capisci dunn'è ca 'a bona simenza crisci. SIGNIFICATU D'A PARABBULA (Mt 13,18-23). Si s'ascuta 'a parola d'u regnu e 'un si capisci subitu veni 'u malignu e 'a rapisci picchì zoccu 'ntò cori si voli siminari iddu, gilusu, voli arrubbari. - E chi sta è 'a simenza ca fu siminata d'u siminaturi 'n menzu 'a strata. Zoccu fu siminatu 'ntò tirrenu pitrusu è comu a chiddu ca ricivi 'a parola giuiusu, ma 'un havi radici e 'un è custanti a li primi tribolazioni e persecuzioni perdi tuttu, all' istanti. Chiddu ca 'n menzu a li spini fu siminatu è cu ascuta 'a parola, tuttu priatu, ma d'i preoccupazioni d'u munnu e d'i ricchizzi si fa suffucari e 'a parola, accussì, 'un po' fruttari. Inveci, cu ascuta 'a parola e 'a capisci, avi tirreni boni e ci cogghi 'n abbunnanti produzioni: centu, sissanta o trenta a secunnu di quantu 'o Signuri ci prisenta. Laura Chifari - I PRUDIGGI D'U SIGNURI - STORII, CUNTI E PARABBULI - PALERMO, 2009 - AMEN Edizioni |